ജൂത്തവാല

ജൂത്താ വാല 

തിരക്കേറിയ നഗരത്തിന്റെ റോഡിൻറെ ഇരുവശങ്ങളിലുമായി ഇന്റർ ലോക്ക് വിരിച്ച നടപ്പാതകൾ മുംബൈ നഗരത്തിന്റെ മനോഹരമായ ക്കാഴ്ചകളിൽ ഒന്നാണ് . ഓരോ നടപ്പാതളുടെ രണ്ടു ഭാഗത്തുമായി കച്ചവടക്കാർ കയ്യടക്കിയിരിക്കുന്നതും കാണാം . വലിയ വിലക്ക് ഷോപ്പിൽ വിൽക്കുന്ന അതെ ഗുണമേന്മയുള്ള സാധനങ്ങൾ നിസ്സാര വിലക്ക് ഫൂട്പാത്തിൽ കിട്ടും എന്നത് അവിടെ ജീവിക്കുന്ന സാധാരണക്കാർക്ക് വലിയ ആശ്വാസം തന്നെയായിരുന്നു . കാര്യമായി വാങ്ങിക്കാൻ ഒന്നും ഇല്ലങ്കിലും വെറുതെ അതൊക്കെ കണ്ടും മിണ്ടിയും നടക്കുക ഒരു ശീലമായിരുന്നു .കച്ചവടം ചെയ്യാൻ ഗവണ്മെന്റ് ലൈസൻസ് ഉള്ളവരും ഇല്ലാത്തവരും അവർക്കിടയിൽ ഉണ്ടാവും . മുനിസിപ്പാലിറ്റി വണ്ടി ലൈസൻസ് ഇല്ലാത്തവരെ പൊക്കാൻ വരുമ്പോൾ സാധനങ്ങൾ എല്ലാം വാരിക്കെട്ടി തുണിയിൽ പൊതിഞ്ഞു തലയിലാക്കി ഗെല്ലികളിലേക്കും ബിൽടിങ്ങിന്റെ അകത്തേക്കും ഓടുന്നവർ ലൈസൻസ് ഇല്ലാത്തവരും ഇതൊന്നും കണ്ടാൽ ഓടാതെ ഇതൊക്കെ എന്ത് എന്നമട്ടിൽ നിൽക്കുന്നവർ ലൈസൻസ് ഉള്ളവരും ആയിരുന്നു എന്ന്അ പതിയെ മനസ്സിലായി, അവർക്ക് പ്രത്യേകം നമ്പറും ചെറിയ കൗണ്ടറും ഉണ്ടായിരുന്നു . 

അങ്ങനെ അതൊക്കെ കണ്ട് വീട്ടിലേക്ക് ടാക്സി വെയിറ്റ് ചെയ്യുമ്പോളാണ്   അതുപോലെ ഒരു ഷോപ്പിലേക്ക് എന്റെ കണ്ണുകൾ പോയത് . രണ്ടു മീറ്റർ മാത്രം നീളവും വീതിയും തോന്നിക്കുന്ന ഒരു കുഞ്ഞു കൌണ്ടർ . രണ്ടുപേരായിരുന്നു അവിടെ ജോലിക്ക് ഉണ്ടായിരുന്നത് .

കാഴ്ചയിൽ അറുപത്തി അഞ്ചു എഴുപത് വരെ പ്രായം തോന്നിക്കുന്ന രണ്ടു ജൂത്തവാല (ഷൂ കച്ചവടക്കാരൻ)ചാച്ച മാർ . അതിൽ ഒരാൾ എപ്പോഴും ആവശ്യക്കാർക്ക് ഓർഡർ അനുസരിച്ചു ഉണ്ടാക്കി കൊടുക്കുക എന്ന ജോലിയായിരുന്നു , മറ്റേ ആൾ നടത്തിപ്പുകാരനും സെയിൽസ് ഒക്കെ ചെയ്യുന്ന ആളും ആണെന്ന് ഒറ്റ നോട്ടത്തിൽ മനസിലാക്കാം . എന്ത് മനോഹരമായിട്ടദ്ദേഹം ഓരോ നിറത്തിലും വലുപ്പത്തിലും വ്യത്യസ്ത ഡിസൈനിലും ഉള്ള ഷൂകൾ ഉണ്ടാക്കികൊണ്ടിരിക്കുന്നത് ,അദ്ദേഹത്തിന്റെ കൈമിടുക്കും ജോലിയിലുള്ള കൃത്യമായും ചിട്ടയോടും കൂടെയുള്ള ആ നിർമ്മാണം കാണുമ്പോൾ തന്നെ ഈ മേഖലയിൽ ഉള്ള അദ്ദേഹത്തിന്റെ എക്സ്പീരിയൻസ് മനസ്സിലാക്കാവുന്നതേ ഉള്ളു,

 കാഴ്ചയിൽ ചെറുതെങ്കിലും ഓരോ വാതിലും ഓപ്പണാക്കിയാൽ ഓരോ ചുവരു പോലെ തോന്നിക്കുന്ന  വരിവരിയായി നീളത്തിലും വീതിയിലും കറുത്ത സ്ക്രൂകളാൽ അലങ്കരിച്ച മനോഹരമായതും പരമ്പരാഗതവുമായ രീതിയിൽ പണികഴിപ്പിച്ച ആ കൗണ്ടറിൽ എന്നത്തേയും പോലെ അദ്ദേഹം സാധനങ്ങൾ അടുക്കിവെക്കുകയായിരുന്നു . "ജൂത്താ ചാഹിയെ ക്യാ ബാബു ( ഷൂ വേണോ മോനെ )" ടാക്സിക്ക് വെയിറ്റ് ചെയ്യുന്നതിനിടെ ചുമ്മാ അങ്ങോട്ട് നോക്കി നിന്ന എന്നോടായി ആ ചാച്ച(അങ്കിൾ) ചോദിച്ചു . "അഭി നഹി ചാച്ചാ , ബാദ്‌മേ ലേഖാ "(ഇപ്പൊ വേണ്ട അങ്കിൾ പിന്നീട് വാങ്ങാം) " ഞാൻ നൈസ് ആയി ഒഴിഞ്ഞു മാറി . നിന്റെ കാലിനു പറ്റിയ ഒരു മോഡൽ ഞാൻ കാണിച്ചു തന്നോട്ടെ വെറുതെ നോക്കിക്കോളൂ , എപ്പോഴെങ്കിലും വേണം എന്ന് തോന്നിയാൽ എന്നെ സമീപിക്കുമല്ലോ " അയാൾക് എന്നെ വിടാൻ ഉദ്ദേശമില്ലന്ന് തോനുന്നു . ആവശ്യം ഒന്നും ഇല്ലങ്കിലും ടാക്സി  വരുന്നത് വരെ അവരോട് വെറുതെ സംസാരിച്ചിരിക്കാം എന്ന് കരുതി ഞാനും അടുത്ത് ചെന്ന് ചെന്നു .

ഈ പ്രായത്തിലും ജോലിചയ്യാനുള്ള ഇവരുടെ ആ മനസ്സും താല്പര്യവും നമ്മെ ഒന്ന് ചിന്തിപ്പിക്കാം , നമ്മുടെ നാട്ടിലൊക്കെ ഈ പ്രായത്തിൽ ജോലി ചെയ്യുന്ന ആളുകളെ അപൂർവ്വമായേ കാണാറുള്ളൂ എങ്കിലും ഇവിടെ ഇത് സാധാരണം ആണ് ,

ഈ മേഖലയിൽ മാത്രമല്ല ട്ടോ , സകല ജോലികളിലും .ഇതിനിടയിൽ ഒരു കാര്യം കൂടെ പറയാം...,

 ഒരു എൺപത് വയസ്സിനു മുകളിലുള്ള ഒരു ടാക്സി ഡ്രൈവറുടെ കൂടെ ഞാൻ യാത്ര ചെയ്തത് ഓർമ്മ വരുന്നു ,വെള്ള പാന്റും വെള്ള ഷർട്ടും ഇട്ട ഒരു മെലിഞ്ഞു വെളുത്ത മനുഷ്യൻ . വെളുത്ത മുടിയും നരച്ച താടിയും ചുളിഞ്ഞ സ്കിന്നും ഉള്ളിലോട്ട് കുഴിഞ്ഞതാണെങ്കിലും നീല കളർ ഉള്ള കണ്ണുകളോട് കൂടിയ അദ്ദേഹത്തിന് പ്രായം കൂടുതൽ ഉള്ളത് കൊണ്ടാവാം കൈകൾ ഒക്കെ ശെരിക്കും വിറച്ചു വിറച്ചു സൂക്ഷിച്ചായിരുന്നു അദ്ദേഹം കാർ ഓടിക്കുന്നത് .

നമ്മുടെ നാട്ടിൽ ഈ പ്രായത്തിലുള്ള ആളുകൾ ഇത്ര ആരോഗ്യത്തോടെ ജോലിചെയ്യുന്നത് പോയിട്ട് നേരെ നടക്കാൻ കൂടെ പ്രയാസപ്പെടുന്നത് കാണാം , അല്ലങ്കിലും പാവം അവർ റസ്റ്റ് എടുക്കേണ്ട സമയം കൂടെ അല്ലെ അവരുടെ വാർദ്ധക്യം .,

പത്തെഴുപത് വർഷം കുടുംബത്തിന് വേണ്ടി നഷ്ടപ്പെട്ട ഒരു മനുഷ്യന് ജീവിതത്തിന്റെ അവസാന കാലം അസുഖങ്ങൾ കൊണ്ടും ബലക്ഷയം മറ്റു പരിമിതികൾ കൊണ്ടും പ്രയാസപ്പെടുന്ന സമയത്ത് പോലും റസ്റ്റ്‌ കിട്ടിയില്ല എങ്കിൽ ഏത് അവസ്ഥയിൽ കൂടെ ആയിരിക്കും അദ്ദേഹത്തിന്റെ ജീവിതവും മനസ്സും കടന്ന് പോകുന്നുണ്ടാവുക അല്ലെ....

പറഞ്ഞു വന്നത് നമ്മുടെ ജൂത്താ വാലയും ഇതേപോലെയാണെന്ന് തോനുന്നു .രണ്ടിൽ ഒരാൾക്ക് തീരെ വയ്യാതാവുന്ന പോലെ ഉണ്ട് , എങ്കിലും എന്ത്കൊണ്ടോ അവർ ഒരു മടിയും കാണിക്കാതെ പ്രായത്തെ തോൽപ്പിച്ച വേകതയിൽ ജോലിയിൽ മുഴുകി കൊണ്ടിരിക്കുന്നു .

ആപ്കേലിയെ മേ ഏക് സ്‌പെഷ്യൽ ഡിസൈൻ ദിഖാദൂൻ ക്യാ ? എന്നെ വിടുന്ന മട്ട് ഇല്ലന്ന് തോന്നുന്ന് , വല്യ താല്പര്യം ഒന്നും ഇല്ലങ്കിലും ഞാനും ഒന്ന് മൂളി , "ഹാൻ ജി " . അയാൾ രണ്ടു മൂന്നു ഷീറ്റ് ലെതർ എന്നെ കാണിച്ചു . ഒരു ഡാർക്ക് ബ്ലൂ ടൈപ്പ് ,ഒരു ബ്ലാക്ക് ടൈപ്പ് ,ഒരു ബ്രൗൺ ടൈപ്പ് . അതിൽ ഒന്ന് പ്ലൈനാണെങ്കിലും നല്ല ക്വാളിറ്റി ഉള്ളത് പോലെ ഫീൽ ആയി , പക്ഷെ കളർ ബ്ലൂ ആയത് കൊണ്ട് എനിക്കും ഇഷ്ടം ആയില്ല , എല്ലാ പാന്റിന്റെ കൂടെയും മാച്ച് ആയില്ലങ്കിലോ ? കറുപ്പ് വല്യ കുഴപ്പമില്ല എന്ന് തോന്നി എന്നാലും ബ്രൗൺ കണ്ടപ്പോൾ ചെറിയ ഒരു ആകർഷണം എനിക്കും ഫീലായി എങ്കിലും ഞാൻ പുറത്തു കാണിച്ചില്ല.. 

എനിക്ക് താല്പര്യം ഇല്ലാത്ത പോലെ തോന്നിയത്കൊണ്ടാവാം അയാൾ വേറെയും മോഡൽ എടുക്കാൻ ഒരുങ്ങി . ഞാൻ അതും ചുമ്മാ ഓരോന്നോരോന്നായി നോക്കി , എന്നാലും ആദ്യം കണ്ട ബ്രൗൺ തന്നെ ആയിരുന്നു എന്റെ മനസ്സിൽ ഉള്ളത് .പൊതുവെ ഷൂ, വാച്ച്, മോതിരം ഒക്കെ എന്റെ വീക്നെസ് ആയിരുന്നു..  ഞാൻ ഓരോന്നിന്റെയും വിലകൾ ചോദിച്ചു മനസ്സിലാക്കി . അയാളുടെ കുശലാന്വേഷണവും നാട്ടുകാര്യങ്ങളും ഒക്കെ ഇതിന്റെ ഇടക്ക് നടക്കുന്നുണ്ടായിരുന്നു ട്ടോ 

അങ്ങനെ അരമണിക്കൂർ നേരത്തെ സംസാരത്തിനോടുവിൽ അയാൾ എന്നെ വീഴ്ത്തി എന്ന് പറയാം...  ശെരിക്കും അദ്ദേഹത്തിന്റെ സംസാരവും   അതിന്റെ ക്വാളിറ്റിയും ഡിസൈനും ഒക്കെ ഇഷ്ടപ്പെട്ടത് കൊണ്ടും കൂടെ ഞാൻ  ഓർഡർ കൊടുത്തു . രാവിലെ തന്നെ ഒരു കസ്റ്റമേറെ കിട്ടിയ സന്തോഷത്തിൽ അദ്ദേഹവും ഹാപ്പി ആയി,അന്നത്തെ ബോണിയും ഞാൻ ആയിരുന്നു. ആജ് ആപ്കാ ബോണിയെ എന്ന് ആയാൾ പറഞ്ഞത് ഓർക്കുന്നു. 

 എന്റെ കാലിന്റെ അളവെടുത്തു മോഡൽ കാണിച്ചു കൊടുത്തു , ലതർ ഷീറ്റ് സെലക്ട് ചെയ്തു ,സോൾ സെലക്ട് ചെയ്തു ,ഓരോന്നും നമുക്ക് ഇഷ്ടം ഉള്ളത് സെലെക്ട് ചെയ്തു കൊടുക്കാനുള്ള ഓപ്ഷൻ ഉള്ളത് കൊണ്ട് തന്നെ നമ്മൾ മനസ്സിൽ വിചാരിക്കുന്ന മോഡൽ തന്നെ നമുക്ക് ഉണ്ടാക്കി എടുക്കാൻ കഴിയും.. 

പുറത്തു മാർക്കറ്റിൽ പത്തും പതിനയ്യായിരവും കൊടുക്കേണ്ടിവരുന്ന ഷൂ മാന്യമായ റേറ്റിൽ നമ്മൾ പറയുന്ന ഡിസൈനിൽ മുൻപിൽവെച്ചു തന്നെ ഉണ്ടാക്കിത്തരുന്ന ഇത്തരം അനേകം ജൂത്താവാലമാർ മുംബൈയിൽ ഉടനീളം കാണാൻ സാധിക്കും.. 

നമ്മളെ അപേക്ഷിച്ചു അവർ ഈ ചെറിയ പൈസക്ക് ജോലിചെയ്താലും ഹാപ്പിയായി ജീവിക്കുന്നു , ചെറിയ വരുമാനം ലഗുവായ ഭക്ഷണം ,ചെറിയ സൗകര്യത്തിൽ ഉള്ള താമസം ഇങ്ങനെ ഒക്കെ ആയുള്ള ലളിത ജീവിതം ഒരുവിധം സാധാരണക്കാരെ ഒക്കെ സന്തോഷമായി ജീവിക്കാൻ സഹായിക്കുന്നു , ആരോടും പരാതിയും പരിഭവവും ഇല്ലാത്ത ജീവിതം... 

അന്ന് അദ്ദേഹം എന്നോട് പറഞ്ഞ ഒരു കാര്യം സത്യമായിരുന്നു....  എന്റെ വയസ്സ് ചോദിച്ചറിഞ്ഞു എന്നിട്ട് പറഞ്ഞു ചെറിയ പ്രായമല്ലേ... നീ ഇനിയും കുറെ വർഷങ്ങൾക്ക് ശേഷം ഇവിടെ വരും.. എന്നിട്ട് എന്നോട് പറയും അന്ന് നിങ്ങൾ ഉണ്ടാക്കി തന്ന ഈ ഷൂ പോലെ ഒരെണ്ണം കൂടെ എനിക്ക് ഉണ്ടാക്കി തരൂ എന്ന്... അതിന്റെ ക്വാളിറ്റിയെ കുറിച്ചായിരുന്നു എന്നോട് സൂചിപ്പിച്ചത്.... ഇന്നേക്ക് ഏകദേശം രണ്ട് മൂന്ന് വർഷം ആവുന്നു ആദ്യം ഒന്നും അതികം ഉപയോഗിച്ചിരുന്നില്ല എങ്കിലും ഇപ്പൊ നിത്യം ഉപയോകിക്കുന്നു... ഒരു പോറൽ പോലും ഇല്ലാതെ അടിപൊളിയായി ഉപോയോകിക്കാൻ കഴിയുന്നു എന്നത് മനസ്സിന് സന്തോഷം നൽകുന്നു....