ശബ്നം

സൂര്യതാപത്തിനാൽ ശബനം നമ്മുടെ കൈവെള്ളയിൽ ചെറു കുളിർമയേകി അലിഞ്ഞില്ലാതാകുന്നത് നീ അനുഭവിച്ചിരുന്നില്ലന്നോ

പൈഗംബർ നിനക്കായ്‌ പാടുന്നത് 

നിന്റെ ഇരുചെവികൾക്കും ഇമ്പമേകിക്കൊണ്ടിരുന്നതൊക്കെ 

ഇപ്പോൾ ഇല്ലാതെയായെന്നോ

കാറ്റിന്റെ കൈകളിൽ മുഹബത്തിന്റെ ഫരിഷ്ത് കൊടുത്തുവിട്ട

സമ്മാനങ്ങൾ എന്തിനാണ് നീ

വീണ്ടും മടക്കി അയക്കുന്നത്

കടൽത്തീരതുവെച്ചു ആ ദർവേശ് 

നമ്മുടെ പ്രണയത്തെ വാഴ്ത്തി പറഞ്ഞതൊക്കെ എങ്ങനെ നിനക്ക്  മറക്കാൻ കഴിയുന്നു 

എന്തിനു ബന്ധസ്ഥനാക്കുന്നു വീണ്ടും

എന്നെയീ കൂരിരുട്ടിൻ തടവറയിൽ

ഈ അന്ധകാരക്കൊടുമുടിയിൽ

നിന്റെ മുടിനാര്കൊണ്ട് 

ഒരുമിക്കാതെ അകലുന്നതായിരുന്നോ 

മനോഹരം ഈ പ്രണയത്തിനു 

അതോ ഒരുമിപ്പിക്കാതെ പോയതോ  

നമ്മെ ഈ ലോകം